അരിപ്പ
--------------
നിഴലിൽ നിന്നു വെളിച്ചമരിച്ചെടുക്കുന്ന
ഒരരിപ്പ കിട്ടണം
രണ്ടിനുമിടയിൽ നേരു കൊണ്ടു
നേർപ്പിച്ചു നെയ്ത ചില
സൂക്ഷ്മ തന്തുക്കളായിരിക്കും

കരടുപെടാതെ ഒളി ചിതറുന്ന
വെളിച്ചം മാത്രം കടത്തി വിടുമത്
‌
കറുകറുത്തൊരിരുട്ടൊടുവിൽ
അരിപ്പയിലടിഞ്ഞിരിക്കും

ചായച്ചണ്ടി പോലെ അടിഞ്ഞതെടുത്തടുക്കളപ്പുറത്തെ
കുപ്പക്കൊട്ടയിൽ കൊട്ടണം

എന്നിട്ട്‌..
ആ വെളിച്ചമൂതിയൂതിക്കുടിച്ച്‌
നമുക്കീയുമ്മറത്തൊപ്പമിരിക്കുക..